Unha nova maneira de saborear a natureza: lixeira, moi refrescante e directa da nosa granxa.
A kombucha é unha bebida elaborada a partir de té verde fermentado de forma natural. E nós de fermentados… sabemos moOito!
E que máis leva?
Azucre de cana, froita ecolóxica e, o máis importante: Scoby, unha combinación de fungos e lévedos que fermenta o té e “come” o azucre. Neste proceso, ademais, libéranse ácidos orgánicos esenciais, como o acético ou o láctico, e bacterias vivas probióticas. Que fan que a kombucha tamén sexa o máis!
A nosa Kombuxa elabórase no corazón da nosa granxa, concretamente no noso Souto. O desperdicio cero está tan integrado no ADN de Casa Grande de Xanceda que decidimos darlles unha segunda vida ás nosas instalacións, recuperando un antigo establo de gando para transformalo na nosa kombuchería.
Situado ao carón dunha impoñente masa de castiñeiros centenarios, este novo espazo segue fielmente a nosa filosofía de apostar por un rural vivo e dinámico. É a nosa maneira de demostrar que a innovación, a sostibilidade e os proxectos con futuro tamén nacen e fermentan directamente no campo.
Un conxuro de froitos vermellos e hibisco… co espírito da queimada, pero en versión refrescante!
Un match moOoi tropical. Combina a suavidade do pexego co toque exótico da froita da pasión.
Leva o pack KombuMix e goza do refrescante sabor das nosas Kombuxas.
Podes atopala na nosa tenda en liña, en tendas eco especializadas e nos supermercados que che deixamos aquí abaixo.
E antes de que saias correndo buscala, lembra: debes buscala sempre na zona de refrixerados!
