Se sodes un grupo numeroso de familiares ou amigos e che costa atopar entradas para todos a través das visitas particulares, a ecovisita de grupo pechado é a túa mellor  opción! Para solicitar unha visita grupal lembra que debedes ser mínimo 20 persoas e máximo 25 (contando adultos, nenos e bebés). En caso de non se cumplir estas condicións non poderemos realizar a visita grupal, pero si podes adquirir entradas como particular! 

1. QUERES UNHA ECOVISITA GRUPAL DE OUTONO OU NADAL?

O  14 de setembro ás 12:00 h,  debedes estar moOoi atentos ao noso calendario porque é o momento de reservar data para virnos visitar en novembro ou decembro. Serán visitas moi especiais de Outono ou Nadal! Busca a data que vos encaixe a todos e consegue as entradas directamente para todo o grupo. Asegúrate ben da data e número de personas porque non poderemos modificalos. 

2. EN OUTUBRO NON PODEREMOS RECIBIR GRUPOS

No mes de outubro festexaremos o Samaín na nosa granxa, pero lamentablemente non temos opción para grupos. Únicamente podes conseguir as túas entradas de Samaín reservando nas ecovisitas particulares, pasarémolo de medo!

Bota un ollo ás condicións de compra para as nosas visitas grupais.

3. ECOVISITAS PARA GRUPOS DE MÁIS DE 25 PERSOAS

As nosas visitas grupais son para máximo 25 persoas. Pero, puntualmente podemos recibir grupos máis numerosos,  ata un máximo de 50 persoas que dividiremos en dous grupos de 25 persoas para realizar o percorrido guiado.  Se desexas esta opción ponte en contacto previamente á apertura das reservas grupais a través do noso email ou teléfono para informarte das datas dispoñibles para estes grupos máis numerosos e as condicións. 

Se aínda tes dúbidas ou sodes máis de 25 persoas, escríbenos a ecovisitas@casagrandexanceda.com e darémosche resposta o antes posible.