Un ceviche con iogur con cítricos, por Pilar Rodríguez

Vacachefs é unha iniciativa de Casa Grande de Xanceda para impulsar a hostalería galega, un sector moOoi golpeado pola pandemia. Retamos a varios chefs galegos a elaborar muUuliciosas receitas cos nosos produtos.

Fonte do Picho, o restaurante dun pazo do s. XVIII

Facemos a nosa seguinte parada en Fonte do Picho, o restaurante do Pazo de Santa María, en Arzúa. A chef que atende os fogóns, Pilar Rodríguez, acepta o noso reto e prepara un ceviche de vieira co noso iogur grego con crítricos. 


Anotaches? Se non o fixeches non te preocupes, aquí o tes!

Ingredientes: 

Para o marinado da vieira:

• 200gr de sal
• 100gr de azucre
• 10gr de xenxibre raiado
• O zume de 2 limas

Para o ceviche:

• 1 lima
• 1/2 cebola morada 
• 1 tomate ou medio se é grande
• 1/2 aguacate
• 1/2 mango
• 2 vieiras pequenas ou unha grande
• 1 iogur grego con cítricos de Casa Grande de Xanceda (pode ser o de 400gr ou o desnatado)

Elaboración:

• Mesturamos todos os ingredientes do marinado e fundimos as vieiras, ás que lles limpamos o coral. 
• Temos as vieiras no marinado 10 minutos.
• Mentres se marinan, picamos o 1/2 mango en brunoise (dados duns 2 milímetros de lado). Repetimos a operación co aguacate, o tomate e a cebola.
• Engadimos todo a unha fonte
• Engadimos zume de lima e poñemos un toque de pementa negra e escamas de sal

Emplatado:

• Sacamos a vieira do marinado, lavámola nun bol con auga fresca e laminámola.
• Colocamos enriba dos dados en brunoise
• Engadir, ao redor, a modo de salsa, o iogur con cítricos de Casa Grande de Xanceda.
• Opcional: Decorar con cebola previamente posta en vinagre de arroz e con guacamole e rabanitos, de xeito que quede similar á foto inferior.