A importancia dun selo

Sabes para que serve este selo?

Este selo serve para indicarnos que un produto está vinculado ás normativas europeas de produción ecolóxica. Isto quere dicir que calquera produto que posúa a folla coas estrelas, cumpriría unha serie de requisitos que o noso Consello de Vacas resumiu para ti.

 

O que non é ecolóxico: o greenwashing

Antes de nada empecemos por unha ameaza ao ecológico: o greenwashing. Que que é isto? Pois tinguir de verde, de sostibles, produtos de compañías que non o son ou que son todo o contrario! E como o fan? Pois con selos privados do estilo "ecofriendly" "agricultura familiar", etc. E por que o fan? Porque, cada vez máis, queremos saber como son os proxectos dos produtos que consumimos. O greenwashing aprovéitase desta tendencia para enganarnos. Por suposto, non cumpren os requisitos que pide a UE para conceder o selo ecolóxico. 

Que di a Comisión Europea sobre a produción ecolóxica?

No noso caso, que somos unha granxa láctea ecolóxica, a normativa europea de produción ecolóxica esíxenos:

- Unha hectárea por cada dúas vacas (isto significa que cada unha das nosas vacas ten un campo de fútbol para ela soa)

- Todos os nosos prados e toda a alimentación que tomen as nosas vacas ten que ser cultivda sen o uso de pesticidas ou calquera tipo de produto químico.

- As vacas ecolóxicas non poden vivir estabuladas e teñen que saír a pastar (no noso caso saen 360 días ao ano. E que pasa cos outros 5? Pois nolos reservamos para fenómenos meteorolóxicos adversos). Queres descubrir máis sobre a rutina das nosas raíñas? Podes facelo aquí.

Que facemos nós?

En casa Grande de Xanceda temos a filosofía de traballar coa natureza. Temos 200 hectáreas de leira ecolóxica con prados, humidais e bosques que conforman unha paisaxe galega agraria clásica.

En casa Grande de Xanceda sempre fomos moOoi esixentes con nós mesmos. O pastoreo e a produción ecolóxica axudan á contorna para manterse o máis biodiverso posible. Polo que dentro de cada un dos nosos envases vai moito máis que iogur, leite ou xeado, dentro deles atópase unha contorna fortalecida e en constante crecemento, que axuda a todo ser vivente que nela resida a vivir da mellor forma posible.

Isto conseguímolo retornando parte dos nosos beneficios á contorna, axudando aos animais que residen na nosa granxa para vivir moOoi felices, de forma que nós axudámoslles a eles e eles a nós. Por exemplo, as nosas abellas, que nos axudan a polinizar os campos, os moitísimos paxaros que tamén nos axudan nas nosas labores diarias, controlando pragas de forma natural, permitiendonos ter cultivos propios cos que alimentar ao noso gando ou o resto de animaliños que viven nos nosos prados e arboledas. Á fin e ao cabo, se un ecosistema regúlase só, nós temos menos traballo!

A produción ecolóxica é aliada da Biodibersidade

E isto non o dicimos nós, dio o selo ecolóxico! e tamén a Xunta. Estamos suUuper contentos porque a administración galega declarou 75 das nosas hectáreas Espazo Natural Protexido. Nas Fragas e Brañas do Alto Gaiteiro fíxose un estudo sobre a biodiversidade e, sabes que? que o Grupo Hábitat afirma que a biodiversidade veríase enormemente prexudicada sen a actividade gandeira ecolóxica que levamos a cabo. Así que só nos queda dicir: moOoitas grazas, vacas! estades en todo!

En casa Grande de Xanceda esforzámonos moito para que os nosos iogures sexan dignos de ter o selo da UE de produción ecolóxica, así como os recoñecementos como o EPIN, que nos indican que estamos a facer as cousas ben.

En conclusión: moOoito ollo ao selo!! di máis do que crías!