La cocina sentimental

Cociña e literatura: a maridaxe perfecta!

Acabamos de presentar "La cocina sentimental", unha obra inédita da fundadora de Casa Grande de Xanceda, Victoria Armesto. Nas súas páxinas une literatura e cociña, dúas das súas grandes paixóns.


Victoria Armesto, coñecida como "Totora" foi unha figura moOoi relevante no mundo cultural e político galego. Esta obra contén unha parte máis persoal na que aparella receitas a relatos curtos que a inspiraron na súa elaboración. 

O fillo e os netos de Victoria editaron este libro con moOoito cariño para conservar o legado da súa avoa que, probrablemente, escribiu "La cocina sentimental" no seu retiro rural en Casa Grande de Xanceda.

Cada maestrillo ten o seu librillo

O reicetario de Victoria Armesto componse de tres partes "La cocina sentimental", "41 Recetas a vuelapluma" e "Cuaderno de apuntes de cocina". A primeira parte son historias que inspiraron algunhas das súas receitas, a segunda receitas simples que os seus descendentes rescataron de notas, como tickets e panos de papel, e a terceira, o que posiblemente foi o seu primeiro caderno de cociña. Esta última parte foi atopada polo historiador Ángel Arcay no arquivo persoal da autora na Fundación Barrié.

Un receitario que inspira a verdadeiros Vacachefs

"La cocina sentimental" inspirou aos chefs do Restaurante Eclectic que adaptan, no libro algunhas das receitas de Victoria e que, ademais, ¡dedican o seu Menú Degustación 2024 a Victoria Armesto! Así, basan os seus platos nestas historias e receitas con dúas muUuliciosas opcións: o Menú Victoria e o Menú Totora. Atréveste a probalo?

Podes conseguir un exemplar na nosa tenda física, na tenda online ou no restaurante Eclectic. 

Así reinterpretaron os chefs do Eclectic as receitas de Totora