VermuÚulicioso

Un roteiro pola natureza con paradas de picoteo?

Pois claro que sí! O novo roteiro vermuÚu de Casa Grande de Xanceda ofréceche dúas horas no noso espazo natural protexido, Fragas e Brañas do Alto Gaiteiro, con degustación e todo!

Xa tiñamos roteiros de Halloween, roteiros de nadal... Ata un ecolaberinto!, como non ibamos a ter un roteiro vermuúu? Por suposto este roteiro está especialmente deseñado para os adultos, xa que cremos que a concienciación sobre o medioambiente e o seu coidado non debe de ser só cousa dos máis pequenos, estamos todos xuntos nisto!


Durante o roteiro poderás ver como se fan os nosos iogures, acariñar aos nosos xatiños, e dar de comer ás nosas vacas, pero... As vacas non van ser as únicas que coman nesta visita!

Ademais do paseo e o contacto constante coa natureza temos preparadas unhas 'paradiñas' nas que poderás degustar múltiples produtos ecolóxicos, entre eles, por suposto, un marabilloso vermuÚu ecolóxico que non che deixará indiferente!

E iso non é todo, para poñerlle a guinda ao doce, visitarás o noso espazo de interese natural no que poderás visar a múltiples especies de animais e plantas mentres gozas das catas que temos especialmente preparadas para ti.

E lembra... Se bebes non pastorees!