Vacas contra o cancro de mama

• As vacas da nosa granxa visten un lazo rosa polo día mundial do cancro de mama.
• A simpática foto das vacas co lazo está nas redes sociais e ten como obxectivo doar 1000€ para a loita contra o cancro.

Hoxe as nosas vacas visten o famoso lazo rosa, símbolo da loita contra o cancro de mama, no día mundial do cancro de mama, 19 de outubro.
A imaxe das vacas co lazo, estase a facer moi popular no noso facebook , por que? Porque forma parte dunha publicación solidaria: cada vez que se comparta doarase 1€ contra o cancro.
O obxectivo é 1000 compartidos, que se converterán en 1000€ e que finalmente se doarán á Asociación Contra o Cancro de Ordes para que se destinen á investigación e prevención do cancro.



Ademais de conseguir fondos para a asociación, o importante desta iniciativa é que chegue a moOooita xente e que máis persoas se sensibilicen coa realidade desta enfermidade á que só podemos combater con prevención e investigación.
A concienciación e control do cancro é aínda máis importante no rural xa que existen dificultades engadidas como a distancia, o descoñecemento de servizos existentes para os enfermos, ou a falta de concienciación para cumprir cos recoñecementos regulares e de prevención.
O cancro de mama afecta en España a unha de cada 8 mulleres, e cada ano diagnostícanse preto de 27.000 novos casos! Grazas aos avances da ciencia e as investigacións é un cancro que, se se detecta a tempo, pódese vencer!.