Unha rápida e deliciosa panna cotta de iogur por María Varela

O proxecto Vacachefs, de Casa Grande de Xanceda, non para! Seguimos recorrendo restaurantes galegos para axudar á hostalaría, un dos sectores máis golpeados pola pandemia.
 

A Parada das Bestas, unha casa rural en Palas de Rei,
onde os produtos locais son a súa preferencia!

Tras os fogóns de A parada das Bestas atópase a xa coñecida María Varela que nos ensina, na súa cociña, a elaborar unha moOooi pero que moOooi fácil: panna cotta de iogur, feita co noso junior con amorodos e o noso leite semidesnatado uht.



Tomaches boa nota? Se non o fixeches, non te preocupes! Aquí tes os detalles:

Ingredientes:

• 2 junior con amorodos de Casa Grande de Xanceda. 
• 100 ml de leite semidesnatado uht de Casa Grande de Xanceda. 
• 1 folla de xelatina.
• 50 gr. de azucre.
• Amorodos e menta.

Elaboración:

• Hidratar a xelatina en auga fría. Deixámola uns minutos para que amoleza. 
• Quentamos un pouquiño o leite para disolver o azucre.
• Incorporamos o azucre e removemos ata que quede totalmente disolto.
• Escorremos a xelatina e incorporámola á mestura anterior.
• Engadimos os dous junior con amorodos e removemos.
• Vertemos o preparado nuns moldes e deixámolos arrefriar aproximadamente unhas 6 horas no frigorífico. 

Empratado:

• Retirámoslle o molde a nosa panna cotta de iogur e acompañámola dun par de anacos de amorodos e unhas follas de menta que lle aportarán o toque perfecto! 

E agora... Chega a mellor parte, só falta probala! Que a desfrutes!