Orgullosos patrocinadores do Abellá S.C.D

En Casa Grande de Xanceda cremos que o rural non é só un lugar para vivir, senón un espazo para medrar, soñar e competir. E iso inclúe, por suposto, o deporte. Por iso, despois da campaña As do rural xogan, damos un paso máis e converxémonos en patrocinadores do equipo feminino S.E. Abellá SDC, as nosas veciñas, para a tempada 2025-2026.

 

Compromiso co rural e coas mulleres

O fútbol feminino rural precisa visibilidade, apoio e referentes. Porque o talento non entende de códigos postais, e nos pobos tamén hai xogadoras que adestran, loitan e soñan en grande. Apoiar ao S.E. Abellá SDC é apoiar a mulleres que defenden o deporte desde o territorio, con valores como o compañeirismo, a constancia e o orgullo de pertenza.

 

Un patrocinio… do melloriño!

Este patrocinio non é só un logo nunha camiseta. É unha maneira de reforzar o noso compromiso co rural, co deporte feminino e cun estilo de vida activo e saudable, valores que compartimos plenamente co equipo. Estaremos presentes no campo e na equipación durante toda a tempada, acompañando ás xogadoras dentro e fóra do terreo de xogo.

 

Porque no rural tamén se soña

Desde Casa Grande de Xanceda seguiremos apoiando iniciativas que poñan en valor o talento local e feminino, demostrando que no rural tamén se xoga, se compite e se soña en grande.

 

Porque cando o rural se apoia, gañamos todas e todos.