As nosas vacas maniféstanse por todas as muUuulleres

Este ano, debido á pandemia da covid19, ás mulleres seralles máis difícil participar nas manifestacións do 8 de marzo. Por ese motivo non veremos as imaxes de multitudes violetas en avenidas e rúas como outros anos.

Ante esta situación, as nosas vacas, decidiron facer algo ao respecto e saíron manifestarse por todas as muUulleres! E non o fixeron de calquera xeito: ao máis puro estilo granxeiro ataviáronse con pendentes co símbolo da muller e reivindicacións pintadas nos seus lombos.

Para este proceso foron indispensables os nosos equipos de granxa, marketing e monitoras que coidaron ás perfección das vacas.Utilizaron un sprai específico para animais e pintura para dedos de nenos. E, aínda que elas se vían estupendas, ese mismo día empezou a chover e a súa indumentaria de 8M se despintouse.





 

Unha granxa que loita pola igualdade desde o rural
Como sabedes, non é a primeira vez que desde Xanceda reivindicamos a figura da muller rural e a necesidade de igualdade de xeito moOoi orixinal. O ano pasado fixemos o símbolo da muller máis grande segado en herba que se viralizou nas redes sociais.



Casa Grande de Xanceda emprega a 50 persoas, nas súa maioría, mulleres. No interior da granxa deixámolo claro cun mural homenaxe á muller rural nunha das súas cortes, realizado pola artista muralista Nana
 

Este fermoso mural realizado nun dos alpendres da nosa granxa é unha homenaxe ás mulleres do rural. Porque ser muller no rural é ser doble heroína - mural realizado por Nana (https://t.co/dMqsxmEvmd) #diadamullerrural #xanceda pic.twitter.com/FfrqNS1KG7

— Casa Grande Xanceda (@xanceda) October 15, 2019