Ningunha familia sen lácteos en Mesía

Desde Casa Grande de Xanceda, tras acordalo así co Concello de Mesía, puxémonos mans á obra para que os lácteos non falten na dieta de ninguén. Así, iniciamos unha colaboración.

E en que se traduce isto?

Pois en que nós doamos a cantidade precisa de lácteos para a dieta de adultos e nenos e o Concello recólleo mensualmente e repárteo ás familias que o precisan.

Para nós é moOoOoi importante atender ás necesidades da nosa contorna máis próxima: iso que os técnicos chaman responsabilidade social corporativa local. De feito, o compromiso social é un dos piares da nosa granxa. E as nosas vacas encantadas de producir leite abondo para axudar aos nosos veciños!

Esta colaboración comezou este mes de febreiro e durará ata que as familias deixen de precisalo… ¡Aínda que continuaremos facéndoo se outras familias se incorporan a este programa de doazón de lácteos!

Os lácteos, un alimento importantísimo

Un total de 34 persoas empezarán a recibir os nosos produtos. Segundo a Organización das Nacións Unidas para a Alimentación e a Agricultura un vaso de leite proporciona aos menores de 5 anos o 21% por cento das súas necesidades de proteínas e o 8% de calorías e nutrientes… GUAU!