A ameaza para Xanceda do macroparque Ordes-Curtis

En casa Grande de Xanceda estamos a favor das enerxías renovables. Non podería ser doutra maneira, xa que no noso ADN está o coidado do  medioambiente. Con todo, todo o equipo de Xanceda (vacas  incluídas) estamos moi preocupados #ante o proxecto do macroparque eólico de Ordes-Curtis.

A instalación do devandito parque ameaza a nosa granxa e estilo de vida en particular e o do resto dos gandeiros e agricultores da comarca. Este parque componse de 21 eólicos de 200 metros, 3 subestacións eléctricas e unha liña de alta tensión que dificultarán a vida da veciñanza: o ruído dos muíños, o efecto sol-sombra das pas, a perda de valor do territorio, a degradación da paisaxe e, en definitiva, o empobrecemento dun rural vivo. A isto sumaríanse os impactos gandeiros: a tensión no gando, a imposibilidade de ampliar ganderías, a imposibilidade durante décadas de dar un uso agrario e gandeiro de terreos fértiles". 

Se queres saber máis sobre a ameaza que supón para Casa Grande de Xanceda a instalación do  macroparque Ordes-Curtis, dálle ao  play e escoita a Vitoria Fernández-Armesto, de Casa Grande de Xanceda, que explica todos os puntos nunha mesa redonda de Adega.
.