Entregamos as 500 árbores de Que Galicia Vuelva a Brillar

Entregamos á Asociación de Montes de Matamá 500 árbores para reforestar os montes queimados

En outubro de 2017 máis de 49000 hectáreas foron arrasadas polos incendios que sufriu toda Galicia. Centos de miles de animais quedaron sen alimento e toda a nosa biodiversidade viuse gravemente afectada.
 
Pensamos que non podiamos quedarnos de brazos cruzados vendo esta situación e por este motivo en novembro de 2017 creamos a iniciativa “Que Galicia vuelva a brillar” co fin de contribuír na rexeneración e recuperación dos montes galegos.

Esta iniciativa, en colaboración coa  Comunidade de Montes de Matamá iniciouse cun taller de plantación cos visitantes da nosa granxa, onde plantaron sementes de distintas árbores en pequenas macetas. Pasados varios meses empezaron a medrar e transplantámolas a unhas macetas máis grandes.

Durante estes dous amos cuidamos destas árboles, ata que chegou o momento de entregárllelas á Comunidade de Montes de Matamá para que sexan plantadas nos seus montes, e axudar así á reforestación das zonas que foron queimadas.

Foto cedida por la Asociación de Montes de Matamá

Con esta iniciativa conseguimos 500 novas árbores que axudarán ao desenvolvemento de nova natureza nos lugares que sufriron o incendio.