Convirte o noso iogur grego en queixo

Vacachefs continúa o seu periplo para traerche unha idea moOoi chula para os platos de fin de ano ou ano novo: queixiños de iogur. 

A chef do restaurante Fonte do Picho, Pilar Rodríguez explícache nun minuto como converter o noso iogur grego natural en boliñas de queixo conservadas en aceite aromático. E, con iso, podes montar unha ensalada suUuper saudable. 

Ingredientes: 

• Un iogur grego natural ecolóxico de Casa Grande de Xanceda
• Un tarro mediano cheo de aceite de oliva
• Romeu
• Pementa negra
• Tomates variados de tempada
• Brotes variados de ensalda

Para aliñar a ensalada:

• 90cl de aceite de oliva
• 30cl de vinagre de Xerez
• 15gr de mel

Elaboración: 

• Escurrimos un iogur grego natural a un bol.
• Pasámolo a unha tea tipo gasa e ímoslle dando voltas para que solte o soro.
• Metémolo 24h no frigorífico
• Con esa masa facemos boliñas a modo de queixiños
• Metémolo no bote do aceite co romero e a pementa negra
• Deixámolo, mínimo, 24h para que colla sabor 

Idea de uso: 

Picamos tomates e colocamos brotes verdes, piñóns tostados, os queixiños e o aliño