As nosas vacas desfrutan dun concerto privado!

Sorprendemos ás nosas vacas cun concerto privado!

Hoxe en Xanceda celebramos o día da música nos nosos prados e co mellor público: As nosas vacas! Que esta mañá foron recibidas, á súa chegada aos prados, con este concerto tan especial.
 

Esta actuación foi todo un éxito, completáronse as butacas en tempo récord! Non faltaron as vacas máis curiosas que apresuraron o seu paso para colocarse en primeira liña e non perder detalle, tamén estiveron as máis tranquilas que quedaron un pouquiño máis ao fondo para amenizar a sesión con pequenos bocados de herba fresca.

En vez de flocos de millo había herba fresca para todas. Mmmm!

Este momento tan especial foi posible grazas á colaboración de O TRÍO DO ACIVRO formado por unha familia de artistas. Luís Soto, que forma parte da Real Filarmónica de Galicia, e os seus dous fillos Cecilia e Lucas conquistaron ás nosas vacas coas súas fermosas melodías. Un público particular que quedou moOoi agradecido e suUuper relaxado. Todas coincidiron en que foi unha experiencia fantástica!

Con este pequeno xesto queremos visibilizar e poñer en valor o sector cultural nun ano no que se bota moito de menos a música en directo, os concertos… Estamos convencidos de que moi pronto poderemos ocupar o sitio das nosas vacas, e mentres esperamos impacientes berramos moi forte: FELIZ DÍA DA MÚSICA!