ESTÁNDAR

Goza dunha ecovisita guiada a nosa granxa!

Aquí, coñecerás a nosa granxa ecolóxica e as 300 raíñas do pastoreo, as nosas vacas! Por suposto, durante o percorrido, tamén descubrirás os principios da agricultura ecolóxica e que hai detrás dos nosos iogures eco.

Lembra que debes reservar a túa praza previamente a través do calendario, AS NOSAS VACAS SÓ ADMITEN RESERVAS ONLINE!  

Duración da visita: visita guiada (1 hora e 30 minutos) + degustación de produtos eco (30 minutos) + tempo para desfrutar no noso ecoparque.

Entrada:  7€/persona. Entrada gratuita para menores de 2 anos.

Como é a visita?

A nosa visita estándar é ideal para familias, grupos de amizades.... Realizamos un  divertido recorrido guiado por toda a granxa para coñecer todo o proceso de elaboración dos nosos iogures, desde os prados ata a neveira! Realizando varias paradas do máis interactivas e divertidas:

• Visitaremos a Mini Corte de becerriños. Os máis pequenos poderán darlle o biberón aos nosos becerros, a actividade favorita dos nenos e vaquiñas! E se algún adulto se anima tamén, claro! 

• Visitaremos o establo das vacas adultas. Visitaremos o establo das vacas. Aquí poderás coñecer as nosas raíñas de preto e os máis peques poderán acercarlle a súa muUuliciosa ración de comida eco. Toca traballar con cepillos, palas e moOoita man dereita!

• Coñeceremos de preto a sala de muxido. Poderás ver a sala de muxido en funcionamento, todo un espectáculo! e coñecer moi de preto as nosas vacas, xa que despois irán pastar ós prados. Nas visitas con horario de inicio anterior ás 16:00 h non podemos ver o muxido en directo porque as nosas vacas atópanse aínda nos prados,  pero practicaremos a muxidura na nosa "vaca interactiva" Rosalía. Serán unhas suÚuper prácticas de granxeiro! 

• Explicaremos como funciona o noso Obradoiro de Iogur, onde se elaboran os nosos iogures ecolóxicos e, visitaremos a Cava de Queixos. Que rico!
• Visitaremos a Eco Horta e o Ecozoo. Os máis pequenos poderán darlle de comer aos nosos gordiños ponis, cabras, ovellas, coellos, porcos e outros animais da granxa.
• Observaremos as caixas niño e as colmeas de Xanceda (tranquilo, farémolo desde unha distancia prudente!), e tamén poderedes descubrir o importante que son estas abellas e outras especies para o medio ambiente!
• Pararemos na Casa Grande de Xanceda, unha casa do século XVIII onde degustaremos os produtos elaborados na granxa así como outros produtos ecolóxicos. MuUuliciosos!
• Despois da visita, e se o noso querido tempo galego o permite, as crianzas poderán xogar no noso ecoparque, e pilotar pequenos tractores! pero, para que o pasen en grande nesta zona e non haxa sustos, este é o ingredente segredo: estar sempre supervisados por un adulto acompañante.

Adoramos os peludos, pero na granxa non podemos recibir ao teu canciño, sentímolo! Os nosos mastíns vixiantes son moi territoriais e póñense nerviosos con novas visitas caninas. Grazas pola túa comprensión!

As nosas vacas e demais peludos agárdanvos con moOoitas ganas!